Plagg.fo

Kelda: www.viewonfashion.com

Stella McCartney ger nú aftur vart við seg í mótahøpi - hesa ferð við eini minni kolleksjón fyri Adidas.

Kolleksjónin endurspeglar eina samanrenning millum stíl og funksjónalitet øðrumegin og eitt krav um djórarættindi hinumegin.

Umframt tey vanligu mynstrini, sum Stella fyrr hevur latið úr hondum, síggja vit nýggjar detaljur sum klassisk 'smileys' og eitt sjálvlýsandi djóraprent, sum helst verður nógv at síggja í ítróttarklædnamótanum í næstum.

Tað fyrsta, tú gevur tær far um við kolleksjónini, er sjálvt skraddarahandverkið og djóraprentini; eitt annað er, at klæðini glógva í myrkri.

Øll pløggini eru vatnmótstøðufør og gjørd úr andandi vistfrøðiligum polyester.

Niðanfyri síggjast nakrar myndir av kolleksjónini. Trýst á myndirnar fyri at størra tær!